Mizoram Police-in Mizo thalai, hnathawka ram pawna kal turte fimkhur turin ngen

0
505
views

Mizoram Police-in Mizo \halai, hnathawka ram pawna kal turte chu fimkhur turin a ngen a. Tun hnaiah \halai engemaw zat chu Myanmar kal tlangin ram dang – Singapore, Malaysia leh Macau-ah inhlawh turin an kal \hin nia hriat a ni a. Hlawh tam zawk hlawh tura ram danga kal chu thil duhawm tak angin lang mah se, a him lo niin Police te chuan an sawi a, hetianga ram danga hnathawka chhuak turte chu fimkhur turin an chah a ni. Police thuchhuah tarlan danin, Mizoramah dan ang thlapa sorkar a\anga phalna nei, Placement Agent an la awm lova, Agent nia inchhalte hian thiam tak leh kal chakawm thei ang ber turin an insawi mawi chawp a, an mi thawn chhuah turte chu an kalna, riahna leh ei man zawng zawng a thlawn vek tur anga an sawi hmuh \hin pawh thu dik lo a ni a, an hnathawhna tur hmun an thlen hnuah Service Charge atan thla 6/7 hlawh an rulhtir leh \hin niin an sawi. Mizoram a\anga hnathawk tura kalte chu Myanmar an thlen hnuah hna zawn chhung training pek an ni \hin a, hetih chhung hian lehkha lem hmangin Agent-ten Myanmar passport an siamsak \hin nia hriat a ni a. Hei hi Myanmar ram dan kalh a ni a, a hremna chu kum 7 thleng lung in tan theihna a ni. Myanmar Police-in an man pawhin buaipui theih an ni lova. Ram danga hna an thawh hnuah harsatna avanga an haw leh duh a nih chuan anmahni tirtu Agent-in an senso chu an rulh tir \hin a, hei hi an chhungte tan phurrit tak a nih \hin avangin haw thei lovin Myanmar-ah an tangkhang \hin niin Police thuchhuah chuan a sawi a. Heng mite hi Myanmar khua leh tui anga ram danga an kal tawh avangin harsatna leh buaina an tawh pawhin India mi an nih anga buaipui a harsa tawh a, thihna hial an tawk a nih pawhin Mizorama an ruang lak luh pawh a theih tawh loh \hin avangin ram pawna hnathawka kal turte chu Myanmar lehkha lem hmang lova, Indian Passport chauh hmang turin an ngen a. Ram danga awm laklawh tawhte chu anmahni tirtuten thawk tura an tih apiang thawk lo thei lo dinhmuna an din tawh \hin avangin, an tum lawk pawh ni lovin mipat hmeichhiatnaah humsual an dai phah theih bawk tih sawiin, mipuite chu fimkhur turin Mizoram Police chuan a ngen a ni.