An duty na hmunah hian Village Level Task Force a\angin tualchhung mi, New Kawnpui-I Tripura mi Chakma pathum leh Zomuantlang, Mizoram khaw mi, Tuikuk pahnih an duty bawk a ni. VLTF member te hian playing card an khel a, police duty te pahnih chuan an card khelh laite chu dah turin an hrilh \hin a, hei vang hian inhnial buaiin card khel zinga pakhat chu a kal sawn a, reiloteah midang engemawzat nen an kir leh a, police duty pahnihte hi thingfak leh mau tiang ten an khawih rawn ta a ni.
He thil thleng vang hian Mamit SP, Addl SP, West Phaileng SDPO leh 2nd I/C 5th IR Battalion te chuan New Kawnpui hi an thleng nghal a, Thaidawr leh Zomuantlangah 5th IR a\angin sipai tirbelh an ni.
He thil thleng vang hian New Kawnpui post commander SI Manu Kumar Chakma chuan West Phaileng PS-ah FIR a thehlut a, Tripura Police chuan nimin khan New Kawnpui – I khua chakma pathum an man a. an zinga pakhat chu Tripura-ah medical exam nei tura hruai laiin a tlanbo a ni. New Kawngpui BOP Post Commander SI (AB) Manu Kumar Chakma hi sawnchhuah nghal a ni a, 2nd IR Battalion Khawzawlah dah a ni.
