Mizoram Pradesh Congress Committee chuan, MNF-in an pamphlet siamah Pu Lalduhoma thlalak leh BJP symbol an dah dun avangin ZPM-in Aizawl Police Station-a FIR an thehluh a ngai chu pawi an tih thu an sawi.

Thuchhuah siamin Congress chuan inthlan zawh hnuah pawh ZPM leh MNF hruaitu \henkhatten inthlan laia an thubuai thehluh hi an buaipui chhunzawm zel a ngaih phei chuan buaina an siam tam hle dawn niin an sawi a, MNF hian an pamphlet-ah sakhaw hming ziak langin, sakhaw hrang hrang zuitute inkarah inngeih lohna tipunlun thei thil an chhuah nia sawiin, Congress Party chuan hei hi Election Code of Conduct bawhchhiatna niin an sawi a, hetiang hi tun hnuah thleng tawh lo se an duh thu an sawi bawk a ni.