He thu hi vawiina Chawngte Congress Bhavan-a tlawhnaah sawiin, Pu Lal Thanhawla chuan BJP-te hian Chakma mipuite chu bungrua ang maiin lei an tum niin a sawi a, Politics chu mihringte khawsak dan leh nunphung chi hrang hrang thlenga khawih a nih thu sawiin ngaihtuahna fim tak hmanga thil tihna chi niin a sawi a, zah lo taka bungrua ang maia entu BJP chu hnawla Congress party chu vote turin mipuite a sawm a ni. Pu Lal Thanhawla chuan Mizoramah Congress a sorkar chhungin ram hmasawnna ruhrel pawimawh tak tak siam a ni a, chung zingah chuan Sairang thlenga rel kawng siam mek te, MNF sorkarin a tih chhiat vek tawh hnu Congress sorkarin a tundin leh kawlphetha megawatt 60 pe chhuak thei Tuirial Hydel Project te, Falkawn Referral Hospital, tuna MBBS zir theihna changtlung tak MIMER ni ta te a tel niin a sawi. He inkhawm hi West Tuipuia Congress Party Candidate Pu Adikanta Tongchangya-in a kaihruai a ni.
