Mizoram Pradesh Congress Committee hruaitute, Lai District Congress Committee leh Lai Autonomous District Council hruaitute intawhkhawmna vawiin khan Lawngtlaiah neih a ni.

0
235
views

He inkhawma thusawitu Congress Legislature Party Treasurer, Pu Zodintluanga chuan thusawiin, MNF Party an sorkar chhunga ram rotling tur thil tam tak an tih chhiat te Mizoram mipuiten an la theihnghilh lo niin a sawi a, kumina Mizoram Assembly inthlanna lo awm turah hian hnam rotling tur tichhetute chu thuneihna pek leh tlak an ni lo tih hre turin mipuite a ngen a ni. Pu Zodintluanga chuan Congress-in an sorkar chhunga an thil tih \hat te tarlangin Falkawna Referral Hospital chu Medical College, MIMER-ah hlankai a nih thu te, compensation duh luat vanga MNF sorkar laia hnathawh tihtawp tak Tuirial Hydel Project kawlphetha megawatt 60 pe chhuak thei, Prime Minister, Narendra Modi-an a hawn tak te a tarlang a ni. Mizoram hmun hrang hranga an party boruak leh party dang boruak sawiin Pu Zodintluanga chuan an party dinhmun chu a \ha tawk hle niin a sawi bawk.