Nimina Congress Bhavan-a an Party chhung inkhawma thu sawiin Pu Lal Thanhawla chuan roreltute hi Pathian ruat an ni a, ni \ha lo atana rorel turte pawh an awm niin a sawi a, Pathian zawnchhuah Mizoramah hian tunhma lama hnuhma \ha lo nei tawhte rorel turin dah an ni leh ang em tih chu an zawhna niin a sawi. Pathianin a duh ber chu lawm nachang hriat a ni a, Congress chu Pathianin remna siam tura a ruat a nih bakah Term 5 a sorkar tir dawn niin a sawi a ni. Hun kaltaa inthlanna neih thlirkirin Pu Lal Thanhawl chuan Congress sorkar tirh a\angin helpawl an kiang nghal a, chiah puam leh Bank lem a bova, tunah hian India rama State 29 zingah Gross State Domestic Product \hazual 4 zingah a tel niin a sawi bawk. He inkhawmah hian MLA 2, Pu TT Zothansanga, Pu R. Vanlalvena, leh hruaitu dangten thu an sawi a ni.
