Mizoram Pradesh Congress Committee-in Mizorama Medical College hmasa ber, Mizoram Institute of Medical Education and Research (MIMER) leh Tuirial HEP te vawiin khan Falkawnah an lawm.

0
230
views

 

He inkhawm hi Organising Comnittee Chairman, Health Minister, Pu Lal Thanzara’n a kaihruai a, MPCC President, Chief Minister Pu Lal Thanhawla chuan, an Party-in MIMER leh Tuirial HEP lawmna a buatsaih senso atan Sorkar sum hman a nih loh thu leh an Party-a mitlawmngaite sum thawhkhawm hman a nih thu a sawi a, sum an hman ban chu Falkawna State Referral Hospital-a damlo harsate ?anpui nan pek vek ni dawn tih a sawi.

Pu Lal Thanhawla chuan state danga Doctor zir tur chuan sum tam tak sen a ngaih laia mahni ram ngeia zirtheihna peihfel a ni ta chu a lawmawm hle a ni, a ti a. Pathianin thil ropui tak min tihsak a ni tih mai loh chu an Party tan chuan sawi tur a awm lo niin a sawi. Pu Lal Thanhawla chuan, Rambuai vanga rahbi tleute khaichhuak turin NLUP an duang a, a tirah nuihzattu tam tak awm mah se, a hlawhtlinna an hmu chho zel a. Mifing leh thiam inti te, Pastor changkang intiten awih lo mah se, mipui sum lakluh tam tehna GSDP ah Mizoram chu a sang 4 zingah a tel hial niin a sawi a, hei hi a chhan chu Pathian lam\ang prog an kalpui vang niin a sawi.

MPPC President chuan, an hun hmasa lamah Bairabi thleng rel kawng an siam tih sawiin, tunah hian Sairang thleng turin rel kawng lian chi an siam mek a, hei hi Lawngtlai thleng sial tur niin, Kawrpuichhuaha Bangladesh ramri thleng sial a ni dawn a. A hlawhtlin hunah chuan Asia chhimchhak ramte insumdawn tawnna hmun pawimawh a nih dawn a, chumi atan chuan Airport lian pawh buatsaih a ni dawn tih a sawi.

State Planning Board Vice Chairman, Pu H. Liansailova pawhin, Mizoram mipuiten Congress Party hnena thuneihna an hlan avanga hetiang hlawhtlinna hi lo awm ta nia sawiin, Medical College hial din a ni ta chu Congress Party hlawhtlinna nimai lovin mipui hlawhtlinna a ni, a ti a. Mipuiten Congress Party hnenah thuneihna dah lo se chu hetiang hlawhtlinna hi Mizoramin a chan a rin loh thu Pu H. Liansailova chuan a sawi.

Lawmna inkhawmah hian Supply Minister, Pu John Rotluangliana leh Minister of State, Pu KS Thanga te pawhin thu an sawi a ni. MIMER leh Tuirial HEP lawmnaah hian Minister, MLA, Congress Party hruai leh mipui ?hahnem tak an tel a. Tlaiah a lawmna ruai an ?heh a ni.