Kumin Green Mizoram Day-ah hian tukin khan Chief Minister hovin 23 Secrtor Assam Rifles hmun, Khatlaah sorkar mipawimawhten thing \iak an phun a, Chief Minister Pu Zoramthanga chuan environment humhalh leh ram behchhana eizawnna chu kalkawp tir theih a ni a ti a, suma chantir theih thing phun tur thlan uluk a \ul a, Mizoram sorkar chuan bamboo plantation hnuaiah raw phun uar a tum a, hei hi mipuite eizawnna ngelnghet siam theihna a nih bakah boruak thianghlim leh tui hna siam kawngah a \angkai tel dawn a ni a ti.
Chief Minister hian thing phun turah nungcha te tlan duh tur, rah chhuah chi te, hmuh nuam leh khualzin te hip thei tur par chhuah chi te phun uar a \ul a ni a ti a, Dept lamin thing \iak phun tur an chhawp chhuah \hin chu a te lutuk a, a nung \ha thei lo nia sawiin, thing \iak lian zawk chhawp chhuak tura hmalak a \ul a ni a ti bawk.
Green Mizoram Day kaihruaitu Forest Minister Pu T.J Lalnuntluanga pawhin thu a sawi a, Kangmei venna kawnga District ti \hate leh Aizawl District huam chhunga mei kawng sial \ha khawtlang hruaitute hnenah Chief Minister hian lawmman a hlan a, Kangmei ven kawnga District thawk \ha ber chu Champhai District a ni a, Lawngtlai District, Kolasib leh Mamit District ten an dawt a ni.
Aizawl District-a kangmei ven kawnga khaw ti \ha ber chu Maubuang a ni a, Chuanthar Tlangnuam leh Phulpui khua ten an dawt a ni. District ti \ha ber hian lawmman cheng 50,000 bakah thuziak leh Khitea Running Trophy an dawng a, Kangmei veng \ha bera thlan Maubuang khuain Rs. 50,000 an dawng bawk.
Green Mizoram Day-ah hian thupuiah “Thing phunin sik leh sa vawng \ha rawh” tih hman a ni a, Aizawlah hian sorkar mipawimawh kalkhawmte leh tlawmngai pawl aiawhten thing \iak 400 bawr vel an phun a ni.
