MPSC hotute chuan Zonet zawhna chhangin tun hnai chovah hnalak a tam avangin hnathawktu an indaih lo nasa a, confidential section phei chuan chhun zan zawma hna an thawh chang leh Holiday-a Pisa an kai chang a awm tih an sawi a, kumin chhung hi chuan hnalak tur ruahmanna hrang hrang an neihah awl lai an nei tawh lo tih an sawi. MPSC hotute chuan, tun hma engemaw lai deuh khan Sorkar chu Sorkar hna lakah a insum nasa tih sawiin, Department \henkhat phei chu kal ngaihna awm lo deuh thaw khawpa an awm hman avangin kum 2015 bawr chho khan khatih laia Mizoram Sorkar-a Principal Secretary, Renu Sharma kaihhruaina hnuaiah Committee din a ni a, Renu Sharma Commission hian Sorkar hnalak \ul zual leh lak a nih theih dan tur rawtna kum 2016 vel khan sorkar-ah an thehlut a. He rawtna ang hian Sorkar-in Department hrang hranga hnaruak a hnawhkhat chhoh mek a, heng hna hrang hrangte hi MPSC kaltlanga lak \hahnem tak a awm avangin an Duty a pun phah nasa hle a, hetih rual hian MPSC-a thawktu lam tihpun a nih chuan loh avangin an indaih lo ve hle tih an sawi.
Zawhna chhangin MPSC hotute chuan, an kut a\anga sorkar hnalak tihtlem leh tihpun chu sorkar thuneihna a ni, an ti a. Sorkar chuan a duh a nih chuan hnathawh tur a pek belhin a lak \hen sak thei a, hemi chungchangah hian MPSC chuan sawi theih a nei lo tih an sawi.
