Mizoram Right to Public Services Act 2015 chungchang sawiho

0
538
views

Sorkar Dept hrang hrangin mipuite rawngbawl hna mumal zawk leh \ha zawka an thawh theihna tura dan siam, Mizoram Right to Public Services Act 2015 chungchang vawiin khan Administraining Training Institute ATI ah sawiho a ni.

ATI Director Pi Lalzarmawii kaihhruai sawihona ah hian a kaihhnawih Dept hotute an tel a, Pi Lalzarmawii chuan Mizoram Right to Public Services Act, 2015 chu sawrkar hmalakna mipuiten an mamawh anga an dil chhuah theihna dan anih thu sawiin mipuite tana hamthatna leh remchanna tam tak a keng tel a ni, a ti a. Hemi tipuitling tura DP&AR leh ICT Department ten inremna thuthlung an buatsaih chu an thlirho a, inremna ang hian mipuiten online hmanga sorkar a\anga an thil mamawhte awlsam zawka an lak chhuah theihna tura hmalak a ni ang

Mizoram Right to Public Services Act 2015 ti puitling tur hian sawrkar department hrang hrang Food, Civil Supplies & Consumer Affairs, Rural Development, Taxation, PHE, Social Welfare leh Finance Department ten hma an la mek a, ration card pekchhuah te, MGNREGA hnuaia job card sem chhuah te, driving licence siam te, learner’s licence pekchhuah te, tui supply connection te leh adoption certificate siam chungchangah te thil dang bakah a huam a ni.