Social Justice and Empowerment changtu Union Minister of State Pu Krishan Pal Gurjar in vawiin khan Aizawl a lo thleng

0
421
views

Social Justice and Empowerment changtu Union Minister of State Pu Krishan Pal Gurjar in vawiin khan Aizawl a lo thleng a. Social Welfare Secretary Pi K. Vanlalrawni leh Director Pi Laldikkimi ten a thlenna Raj Bhavan-ah an kawm.

Rualbanloten sawrkar a\anga an dawn tur dik tak an dawn theih nan sawrkar laipui chuan ram puma hman theih tur identification card a siam sak a. Hetiang card siam tur hian doctor te leh department hotuten a hmunah kal chilha an endik a \ul \hin avangin thingtlang kil khawr zawk kalna tura an mamawh te Social Welfare Dept. hotute hian an thlen a. Accessible India Campaign hnuaiah Mizoram sawrkar building engemawzat rualbanlote kal theihna tura lift emaw ramp emaw siam belh tuma hmalakna a puitlin theih nan sawrkarin sum a mamawh belhte pek chhuah thuai a nih theih nana hmalakpui turin Minister hi an ngen a ni. Heng bakah hian bengngawng te tana bengdar \ha chi pek dan tur leh mitdel hawrawp chhutna tur Braille Press dilna te pawh Union Minister hnenah hian an thlen a, Minister hian a theih anga lo bawhzui a tiam a ni.