Mizoram sorkar aiawhte leh HPC(D) hruaitute inbiakna atan inbuatsaih zel, HPC (D) aiawh mi 6 chu an Working Chairman-in a ho ang

0
293
views

Remna kawng zawnga Mizoram sorkar aiawhte leh HPC(D) hruaitute, kar leh Ningani a\anga Aizawla an inbiakna atan inbuatsaih zel a ni a, ZONET zawhna chhangin HPC(D) hruaitute chuan he inbiakna turah hian HPC (D) aiawh mi 6 chu an Working Chairman, Pu Lalthangliana Hmar-in a ho ang a, mi dangte chu Pu Lal\haliana, Pu Lalthlamuana, Dr. John Pulamte leh mi dang 2 an ni ang. He inbiaknaa Mizoram sorkar aiawhtu turte chu Additional Secretary, Pu Lalbiakzama’n a ho ang a, Rural Development Deptt. Director, Pu Lalhriatpuia, SP (CID), Pu Rodingliana Chawngthu, Deputy Secretary Home, Pu Lalthanzuala leh OSD Home, Pu David H. Lalthangliana an tel bawk ang. Sorkar lam a\anga ZONET thu dawn danin, he inbiakna hi a kal tluan chuan hemi hnua inbiak lehma tur chu thuneitu sang zawkte, Political level-a an inbiakna a ni tawh dawn a ni. Puan tawh angin, Mizoram sorkar chuan HPC (D) te lungawi lohna, huam zau zawka ching fel turin Pu Zosangbera pawl bakah Pu Lalhmingthanga Sanate pawl pawh biak tela, inremna siampui ni se a ti a, amaherawhchu, Pu Lalhmingthanga pawlte hian Mizoram sorkarin a pek theih loh, Autonomous District Council chu an thil phut tur nia an sawi avang te, inbiaknaah hian Mizoram sorkar, sorkar laipui leh HPC (D) aiawhte tel se tih an rawt avangtein an thil tum hi a tihpuitlin theih loh niin a ngai a ni.