Lal Thanhawla Auditorium-ah ‘Sankalp Parv’ hmang

0
329
views

Kum 2022 thlen hmaa India thar siam tura khua leh tuite inhlan thar leh intiam thar lehna ni, ‘Sankalp Parv’ chu nimin khan Lal Thanhawla Auditorium-ah hman a ni a, a hmanpuitu, Larsap, Lt. Gen. Nirbhay Sharma chuan, ram thianghlim leh nuam, mi rethei, eirukna, mi firfiak leh chi inthliarna te awm lohna siam turin a chhunga chengten mawh an phur \heuh tih sawiin, Mizoram chu chi inthliarna awm lohna, khawtlang inlungrual leh tlawmngai pawlten ram hmasawnna atana nasa taka hna an thawhna hmun a ni chu entawntlak a tih thu a sawi. CM, Pu Lal Thanhawla pawhin kum 2022 thlen hmaa ‘India Thar’ siamna tura ram pum huapa tihhlawhtlin tur hmachhawp pasarih zinga engemawzat chu Mizoramah tihhlawhtlin a ni tawh niin a sawi a, thianghlimna kawngah pawh Swachch Bharat ruahman a nih hma pawhin Mizoramah thui tak \an l^k a lo ni tawh bawk niin a sawi. He inkhawma telte chu India thar siam turin an intiam a, Larsap-in a kaihruai a, Indian Classical Music, Mizo Hnam zai chi hrang hrang leh hnam dang hla sakte ngaihthlak a ni.