Mizoram Sorkar hnathawk Inzawmkhawm, Federation of Mizoram Govt. Employees & Workers Executive Committee in 7 pay chungchanga sorkar ruahmanna te an thlirho.

Central Pay Commission 7-na ruahmanna siam anga Mizoram sorkar hnathawkte hlawh pek ve Mizoram sorkarin a remti chu lawmawm an tih thu an sawi a, a bul tumtu Chief Minister, Pu Lal Thanhawla leh Finance Minister, Pu Lalsawta te chungah lawmthu sawiin, a hun takah sorkar hriattirna chhuaha Pay Rules thar hman tur chu siam zawh theih an beisei thu an sawi.