Mizoram Bru Coordination Committee Chairman Pu Elvis Chorkhy kaihhruaia Equal Package Demand Committee tunhnaia din chuan Union Home Minster Pu Rajnath Singh-a hnenah Memoramdum thehlutin Tripura Bru Relief Camp atanga tun hmalama Mizorama lo let tawh zawng zawngte chu tun thla ni 3-a Sorkar laipui leh Mizoram Bru Displaced People Forum inremna thuthlung siam tak anga tanpuina leh chhawmdawlna pe vek turin an ngen.

0
381
views

He memorandum hi tun hnai khan Equal Package Demand Committee Chairman Pu Elvis Chorkhy chuan Union Home Minister hnenah a thawn a, a copy chu Union Home Secretary Pu Rajiv Gauba, Special Secretary Home, Internal Security Pi Rina Mitra, Unoion Home Minister a Adviser (Bru) Pu Mahesh Kumar Singla, Joint Secretary North East enkawltu Pu Satyendra Garg leh Mizoram Home Secretary Pu Lalnunmawia Chuaungo hnenah a thawn bawk a, chu lehkhaah chuan tuna Bru laklet turte dawn tura ruat zawng zawng, in sakna tur Rs 1,50,000/-, chhungkaw tin \anpuina thla tin Rs 5,000/-, chhungkaw tin tan Bank-a cheng nuai 4 \heuh dahsakte leh Mizorama a kir hnuah kum 1 chauh a thlawnin Ration an dawn avangin kum 1 dan a thlawna ration pe tur leh an inbenbelna tura a tira Rs 80,000/- an lak bak, Rs 70,000/- pek leh te a ni. Zawhna chhangin Pu Elvis Chorkhy Tripura Bru Camp 6 a\anga tun thlenga Mizorama lo let tawh zat Mizoram sorkar chhinchhiah zat chu 1,712 niin a sawi a ni.