Mizoram sorkar hnuaia mipuite hnena an mamawh hunbi neia sorkarin a pek chhuah ngei ngeina tur dan, Mizoram Right to Public Services Act, 2015 Awareness Campaign chu vawiin khan ATI Auditorium-ah Health Department Secretary, Pu Lalrinliana Fanaiin a hawng.

0
403
views

Hawnna thusawiin Pu Lalrinliana Fanai chuan kum 2005, December ni 1 a\ang khan Mizoramah Right to Public Services Act, 2015 hman \an a nih thu sawiin, he danin a tum ber chu sorkar service pekchhuah theihte hunbi tiam chhunga a diltute hnena pek a ni a, tun dinhmunah department paruk hnuaiah hetiang service hi 46 a awm a, sorkar chuan service dah belh zel a tum niin a sawi bawk. Health Secy. chuan, hei hi mipuite hnena service pekchhuah \ul lova tihkhawtlai awm \hin venna dan a nih avangin sorkar mipuite mamawh ngaihtuah zung zung \hin neih theihna turin he dan hi siam a ni tih a sawi a, Mizoram Right to Public Services Act, 2015 hmangtu deptt. te chu Food, Civil Supplies & Consumer Affairs, Rural Development, Taxation, Public Health Engineering, Social Welfare leh Finance Department te an tih a tarlang a. Service chi hrang hrang 46 zingah chuan MGNREGA hnuaia job card pek chhuah te, driving licence siam te, learner’s licence pekchhuah te, tui supply connection te, adoption certificate siam te a tel niin a sawi a ni. Secretary chuan Mizoram Right to Public Services Act, 2015-in a huam Department tinah mawhphurtu tur, Designated Officer ruat an nih thu te, thubuai awm thulha lungawi lohna thlenna tur, First Appellate Authority leh Second Appellate Authority ruat an nih thu te, Designated Officer-te chu mipuite a\anga thil dil hun tiam chhunga pe chhuak tura mawhphurtu an nih thu te, a huna an thil pe chhuak lote chu First Appellate Authority-in nitin Rs. 250/- a\anga Rs.5,000/- a chawitir theih thu te a sawi bawk a ni. He training hi ATI Deputy Director, Pu K. Lalhmangaihzuala’n a kaihruai a ni.