He thu hi nimina South Tuipui Block-I MNF political training Hnahthial Electric Veng YMA Hall-a neihah sawiin Dr. R. Lalthangliana chuan, tunhnaia MLPC Study Group-in an thil hmuh chhuah dan an puanchhuahah zu zawrh a\anga chhiah lut cheng 1 zelah cheng 2.85 zel zu in mite enkawl nan sen niin a sawi a, zu zawrh chu nawhchizuarte chauhvin an hlawkpui thu Socio-Economic Analysis ten an sawi niin a sawi bawk. Dr. R. Lalthangliana chuan, MLPC Study Group-in nawhchizuar an thlan chhuah bik mi 25 an kawmte a\angin zu zawrh hnuah anmahni dawrtu chu zaa 61 in an pung tih an hmuh chhuah thu a sawi a, hei hi HIV tipunluntu nia sawiin, damdawi in hrang hranga zu kaihhnawih damlote enkawlna senso chu cheng nuai 635, sing 3 leh sang 6 a tling a, kum tin mi 4,080 zet chu zu avangin damdawi inah enkawl ngaiin an awm niin a sawi a ni. Dr. R. Lalthangliana chuan, Congress sorkarin zu zawrh phalna a pek chhuah chu MNF party-in a ngai thu tak hle tih sawiin, a tuam dam hna chu an thawk dawn niin a sawi a ni.
He inkhawm hi South Tuipui Block-I MNF President, Pu K. Lalsangzuala’n a kaihruai a ni.
