Mizoram Sorkar hnuaia servcie association hrang hrang hruaituten Chief Secretary, Pu Lalnunmawia Chuaungo hovin Sorkar hnatahwkten Covid 19 dona tan hlawh an pek chungchang naktukah an sawi ho dawn.

0
16
views

Hemi atan hriattirna hi Sorkar chuan vawiin khan a tichhuak a, hetah hian Sorkar hnathawk inzawmkhawm, Federation of Mizoram Goverment Employees and Workers leh Service Association tin atangin mi 1 theuh aiawh intir tuar tih an ni a, naktuk chhun dar 12 ah ATI Auditorium ah sawiho a ni ang.

Mizoram sorkar hnuaia Group A, B leh C ten an hlawh basic pay atanga zaa 10 leh group D ten zaa 5 zel covid 19 dolet nan May thla atanga kumin December thla thlengin pek nise tih hi Chief Secretary Pu Lalnunmawia hova Service Association hrang hrang hruaitute kar kalta Thawhlehni-a thukhawmin an rel a, hei hian sawizui a hlawhin inhnialna a tam hle a. Mizoram sorkar hnuaia hnathawk zawng zawngte intelkhawmna FMGE&W chuan kar kalta Ningani khan thutkhawm hmanhmawh ko nghalin, an hnuaia service association hrang hrang memberte zingah lung dam kim lo an awm avangin ngaihtuah nawn tura sorkar ngen an rel a, an ngenna hi Zirtawpni khan Chief Secretary hnenah ziakin an thehlut a ni.