Hetihlai hian MNF Party chuan BJP, ZPM leh MNF party pathumten lungrual takin sum thawh an rel a, a tam lam Party pathum duh dan chu Speaker Pu Lalrinliana Sailo chuan a kaltlangpui mai a ni an ti a, Congress Legislature Party hruaitu Pu Zodintluanga chu a MLA puite phatsan a, mipuite dawt hrilhah puhin, bang tur an awm anih chuan Pu Zodintluanga chu a bang zawk tur a ni an ti.

0
20
views

May ni 4-a Speaker-in MLA te a kohkhawm tum khan ZPM, Congress, BJP leh MNF-te chuan COVID 19 hrileng dona, invenna leh hrileng avanga chhawmdawlna atana MLA hlawh leh MLALADS Fund-te a tul anga thawh an inhuam thu an sawi a, mahni Legislature Party theuhah sawiho turin lungrual takin an rel tih meeting minute ah pawh a ziak lang niin MNF Party hian an sawi a, Congress Legislature Party hruaitu Pu Zodintluanga chu dawt sawi-ah an puh a ni.

MNF Party hian Assembly Speaker Pu Lalrinliana Sailo chuan dik tak leh lai takin ro a rel thin tih mipui, Session thlir thinten an hria a ni an ti a. Congress Party chuan an party chhuahsana MNF-a a awm tak avangin rem leh rem loin dawt leh thudik chanve hmangin an beizui a ni an ti.