Chapchar kut Organizing Committee hi vawiin khan Chief Minister Pu Zoramthanga hovin an \hukhawm a, a ni khatna March ni 5 chu kut urlawkna anga hmangin, a tuk ni 6 ah ropui taka kut hi hman an rel a ni. Chapchar Kut urlawkniah hian Art & Culture Minister chu Kut Pa ah ruat a ni a, Art & Culture Secretary chu Ku thlengtu a ni ang. Chapcharkut lawmna puiah Chief Minister Pu Zoramthanga chu Kut Pa a ni ang a, Art & Culture Minister chu Kut Thlengtu a ni dawn a ni. Kut hi Aizawl sipai lammualah hman a ni ang.
Chapchar kut lawm chhung hian lemziak leh thlalak pholanna, exhibition te, pangpar entirna Flower Show te, puantah leh kutthemthiam thil pholanna Handloom leh handicraft exibition te, eitur lamna hmun Food Court te siam a ni ang a, Chapchar Kut puala zingkara a huhoa tlan, ‘Chapchar Kut Run’ buatsaih rel a ni bawk a, kut hman chhung hian sorkar hnathawk leh, mimal eizawnna hmunah te Mizo thuam a tam thei ang ber inbel nise an ti a, Mizoram pawn a zofa awmte pawh kut hmang tur hian sawm tum an ni a, ramdang Bangladesh, Thailand, Myanmar, Korea, Japan, Nepal, Bhutan, China, USA, England leh Israel ram palai, India rama awm mekte pawh kut hmang tura sawm sorkarin a tum a ni.
