Synod hruaitute nen an inkawmnaah Pu Ronald Sapa Tlau chuan, Parliament-a CAB putluh a nih lai khan mi tlemte chauhin Mizoram leh sakhaw humhalh tuma Delhi tlanga hma an lak lai pawhin Kohhran mipuite an lamah an \ang tlat tih a hriat avangin a zam lova, kha Bill a dodalnaah pawh khan huaisenna a neih phah a, sorkar laipui thuneitute pawhin an hmalakna an hriatthiam phah a an lawm hle tih sawi a. An beisei ang diak diakin thil kal lo mah se, Zoram mipui tan lungrual taka ram, hnam leh sakhaw tana thawk ho zel turin a ngen bawk. Pu Sapa chuan, Indopui Pahnihna-a German-in France an hneh hnuah France hruaitu, Charles de Gaulle chuan, he indonaah hian tlawm rih mah ila, indona la kal zel turah chuan kan tlawm lo ang a tih ang khan, CAB thil chungchangah hneh lo mah se, Parliament pawn lama inbeih zawmna kal zel turah erawh hi chuan Zoram mipuite thlawpna leh \awng\aipuina zarah leh’tlai ngai lo Pathian vangin hnehna an la chan ngei a rin thu a sawi.
Pu Sapa hi MPCC Vice President, Pu H. Liansailova leh party hruaituten an \awiawm a ni.
