Mizoram sorkarin coronavirus leng kara tual chhung thil siam chhuah ti lar tura a din, Promotion of Locally Manufactured Protective Gears Committee-in hmai tuamna an lei khawm chu hmun dang atanga hmai tuamna chawk luh a tam avangin a hnawng mek.

0
50
views

ZONET thudawn danin tualchhung thil siam chhuahte chawikanna turin dawrkai te chu state pawn atanga hmaituamna chaw lut rih lo tura ngen an ni a, dawrkai te hian phai atanga an chawk luh theih reng tho avangin tualchhung atanga leikhawm hmaituamna te chu an hralh hlei thei lo a ni.

Promotion of Locally Manufactured Protective Gears Committee hian mipui kharkhip chhunga puanthui thiamte hnathawh tur siamsakna tur hian Chief Minister’s Relief fund atangin cheng nuai 20 an dawng tih Committee Secretary Pu J Hmingthanmawia chuan a sawi a, hei hi rulh leh tura ruahman a ni a, hmaituamna sing 5 vel an hralh tawhna atangin cheng nuai 6 vel an hmu chhuak tawh a, tun dinhmunah hmaituamna sing 9 leh 460 hralh loh an la nei a ni.

Promotion of Locally Manufactured Protective Gears Committee hi covid 19 laka invenna tura hmanrua chi hrang hrang tualchhunga siam chhuah tihmasawnna turin, Mizoram sorkarin kumin April ni 13 khan a din a ni.