Mizoram sorkarin loneitute sawhthing tharchhuah lei dan tur a ruahman fel

0
304
views

Mizoram sorkarin loneitute sawhthing tharchhuah lei dan tur a ruahman fel. Planing leh Finance changtu Minister Pu Lalsawta hovin vawiin khan sorkar mipawimawh ten sawhthing lei dan tur ruahmanna hi an siam a, Primary Agriculture Credit Societies (PACS) 23 ten sawhthing hi an lei ang a, heng Mizoram Agricultural Marketing Solution (MAMSOL) te, Aggregator leh Entrepreneur te hnenah hian sorkarin an sum mamawh tur revolving fund a pe dawn a ni. sawhthing lei dan vil zuitu tur Technical Committee pawh sorkarin a din dawn a ni.
Planning Secretary Dr. Vanlalramsanga chuan Zonet zawhna chhangin kg khat zela sawhthing leina tur zat hi zirchianna mumal tak behchhana bituk zel tur a nih thu a sawi. Sawhthing lei dan tur vawiina sawihonaah hian Mizoram State Planning Board Vice Chairman Pu H. Liansailova, Planning Secretary Dr. C. Vanlalramsanga, Commerce and Industry Secretary Pu Zothankhuma leh Horticulture Secretary Pu Sawihlira te bakah mipawimawh dangte an tel a ni.