Mizoram sorkarin Mizoram Home Guard a Director General post siam a tum duh lohna lantirin vawiin khan Mizoram Ex Services League ten Aizawl khawpuiah kawng an zawh.
Kawngzawh hi Zarkawt kawn a\angin an \an a, kawng zawh paha aurualin, Ex Servicemen te ngaihsak lo tu sorkar bang tura an phut thu te, Mizoram Home Guard a Director General post siam tum an duh loh thu te, War Veteran lawmman pun an phut thu te, Ex Servicemen te tana sorkar a reservation hrang hrang a taka tihpuitlin an phut thu te, AMC in property Tax a lak awl tir tura an phut thu te leh Ex Servicemen diriamtu ram rorelna an duh loh thu te an auchhuahpui a ni. Kawng zawh hi Vanapa Hall kawtah tih tawp a ni a, an pawl President Col John Zama chuan, Home Guard chu Ex Servicemen ten kum 1964 a an din a nih thu a sawi a, sorkar in duh duha a chin leh an phal dawn lo tih sawiin Director General Post siam an duh a nih pawhin tuna Commandent General Post chelhtu chu hlangkai mai tura an phut thu a sawi. Col. John Zama chuan, tundinhmunah Ex Servicemen hna nei lo 400 chuang an awm tih a sawi a, hei hi sorkarin an tana reservation a taka a kalpui duh loh vang a nih a ti a, an chanvo humhim turin theihtawp an chhuah zel tur thu a sawi bawk.
