National Highway 54 Sailiam kawn bulah meter 100 vela thuiin kawng chhuat chawpin a bal

0
243
views

Mizoram ch^k lakna kawngpui pawimawh ber, National Highway 54 chu Serchhip khaw hmawr chhim lam, Sailiam kawn bulah meter 100 vela thuiin kawng chhuat chawpin a bal a, kawng bal hi a nasat avangin kawng sial tlang leh theih hun tur hriat theih a ni rih lo.

PWD hotute hnen a\anga thudawn danin he kawng chhuat hi nimin piah a\ang khan a tlahniam \an a, hei hi zual zelin vawiin chawhma dar 9 vel khan a bal thla ta a, hnathawktu an awm loh lai a nih avangin khawl leh mihring a tlakpui lo a ni. Kawng chhuat bal hi kawng chhak lam ko a\anga in\anin kawng pumpui huapin a mual balin a bal thlaa, Hnahthial kawlphetha pekna banpui pawh leimin hian a minpui a, a chhak lam meter 20 velah Zoram chhim lam eng pekna hruipui 132 KV Line thlunna banpui pawh a awm a, a min zui zel chuan he banpui pawh hi a minpui thei dawn niin a hmuna kal Serchhipa kan Corr. chuan a sawi a ni. Zawhna chhangin PWD Highway hotute chuan he kawng motor kal theiha siam leh tur hian kawng chhak lam ko sang tak, meter 60 vela sang chu laih a ngai dawn a, amaherawhchu, he ram hi mimal ram a nih avangin Serchhip Bawrhsap te nen \ang tlanga a ram neitu dawr zui a ngai dawn niin an sawi a ni.