Mizoram sorkarin Parliamentary Secretary a ruat vanga sum hman ral a nih dan zir chiang

0
290
views

Prism-in vawiin khan Upper Republic-a an pawl pisa-ah Mizoram sorkar-in Parl. Secretary a ruat avanga tul lova mipui sum hman ral a nih dan zir chianna a buatsaih a. Kum 2008-a Congress Party-in sorkar a kaihhruai atanga Parl. Secretary 13 ruat an nih avangin mipuiin sum, cheng vbc. 18 leh nuai 81 chuang, tul lo taka hmanral a ni tih sawiin, dan kalha mipui sum hman ralte hi rul leh vek turin CM an phut tih an sawi. He sawihona kaihruaitu, Prism President, Pu Vanlalruata chuan, ram danpui kalha Mizoram sorkar-in dan phuahchawp a siam, The Mizoram Parliamentary Secretaries (Appointment, Salaries, Allowances and Miscellaneous Provisions) Act, 2009 hmanga Parliamentary Secretary 13 ruat tawhte enkawl nana Mizoram sorkarin mipui sum a khawhral tawh zat, an chhut theih chin chu cheng vaibelchhe 18 leh nuai 81 chuang a ni tih sawiin, hetah hian Parliamentary Secretary leh an Personal Secretary-te Car leina leh a enkawl zuina bakah an zin veivahna senso chu chhut mai a harsat avangin a tel lova, hei bakah hian bituk nei lova an hman theih Telephone, Internet, kawlphetha leh Tui Bill pawh MLA pangngaite hman theih chin anga chhutsak an nih thu a sawi. Pu Vanlalruata chuan, hetianga dan kalha Appointment pek a nih avanga mipui sum luang ral hi Public Servant Personal Liability Act, 2010-in a sawi angin Appointment petu-in a rul tur a ni tih a ni a, he danin a sawi angin Parl. Secretary-te chu dan kalha ruat an nih avangin an mahni enkawl nana mipui sum hmanral tawh zawng zawng chu CM, Pu Lal Thanhawla hian a rul leh ngei tur nia an ngaih thu a sawi a ni.