SpiceJet-in October ni 2 atangin Mizoramah thlawhna a thlawhtir chhunzawm tawh dawn lo

0
288
views

Khualzin phur thlawhna company, SpiceJet-in October ni 2 atangin Mizoramah thlawhna a thlawhtir chhunzawm tawh dawn lo nia thu dawn a ni. Mizoram sorkara GAD hnuaia Aviatian Wing hotute hnen atanga Zonet thu dawn danin, SpiceJet hian Mizorama thlawhna an tirh chhunzawm theih loh tur thu hi nimin khan Mizoram sorkar chu ziakin a hriattir tawh a, hei hi thlawhna an indaih loh avang nia sawiin, Mizoram bakah Uttar Pradesh-a tumhmun pakhatah pawh thlawhna an tir tawh dawn lo nia hriat a ni. SpiceJet hian nikum October ni 4 atang khan Lengpui tumhmunah thawhna a tir tan a. Ni tin, Lengpui tumhmun atangin Kolkata leh Guwahati inkarah khualzin 78 phur thei thlawhna, Q400 a thlawhtir thin a ni. Aviation Wing hotute chuan, SpiceJet hi inhnukdawk mah se, khualzinten harsatna an tawh an rin loh thu leh, tunah hian Air India leh Jet Airways-in thlawhna an tirh reng avangin mipui tan thlaphan chhan tur a awm lo niin an sawi a ni.