Mizoram Sports Policy siam tur chungchanga inrawnkhawmna vawiin khan Aizawlah neih a ni.

0
275
views

Sports & Youth Services Director Pu Zothanmawia kaihhruai inrawnkhawmnaah hian Sports discipline hrang hrang hruaitute leh sports lama thiamna leh hriatna nei te an tel a, Sports Minister Pu Robert Romawia Royte chuan, Mizoram chu duh anga sum hman tur nei ngah lo a nih avangin Sports chu policy mumal tak neia sumdawng hausa leh company te nen thawk hova Industry anga kalpui a \ul a, Mizoram chhunga sports discipline thenkhat ten hma an sawn chak laia thenkhat hlamchhiah an ni mek te siam \hatna turin sports policy \ha duan a ngai a, Sports discipline hrang hrang hruaitute pawhin an mawhphurhna chiang taka an hriat theih nan sorkar nena thawhhona mumal tak siam chu thil pawimawh a ni a ti. Sports Minsiter hian infiamna hmunhma, Auditorium, Indoor leh Ground te Discipline tin ten hlawk taka an in hman \awm theih nan Sports Policy ah ruahmanna fel tak telh a ngai dawn tih a sawi bawk.

Sports & Youth Services Joint Director Pu John Tanpuia’n Sports Policy chungchang hmalak dante leh ruahmanna siam tawh chin te a sawifiah a, sawiho tura thupui hrang hrang 28 chhawpchhuahte sawiho zui a ni a, heng zingah hian infiamna ruhrel tih hmasawn dan tur leh zirna leh infiamna kaihkawp dan tur ruahmanna te, sports dicipline bawhbik tur te, infiamna kawnga talent nei \ha zawn chhuah dan tur te, mizo infiamna chawi nun zel dan tur te, mimal sumdawng te nena thawh ho dan tur ruahmanna te pawh a tel a ni.