Sports Minister Pu Robert Romawia Royte hova nimina a kaihhnawih sorkar dept leh sports association aiawhte \hukhawmin Mizoram State Games neih hun tur hi an rel fel a, State Games-ah hian Sports Discipline tam thei ang berah inelna buatsaih tum a ni a, category then dan ngaihtuahtu tur Sub-Committee leh inelna neih dan tur kalphung lo ruahman turin Sub-Commitee din nghal a ni a, heng Sub- Committee te hian ni 5 chhungin Organising Secretary hnenah an rawtna te thlen leh tura tih an nih bakah he State Games-ah hian Mizo infiamna (Indigenous Games) ngaihpawimawh nise tih an rel a ni.
Sports Minister Pu Robert Romawia Royte chuan, Mizoram State games chu Mizo \halai infiammi talent nei \hate thur chhuahna tur pawimawh tak a ni dawn tih a sawi a, hei bakah mipui te hriselna tha an neihna tur atana hmanraw pawimawh tak a nih theih nan Sorkarin a ruahman a nih thu a sawi.
