MZP Federal Council-ah kumin kum tawp lama Assembly-a ngaihtuah tur Agenda te an thlifim a, ramri chungchang bakah hian kum 2020 chhungin Zo Hnam inkhawmpui lian ZOFEST neih leh ni rawh se tih te, All India Civil Service/Central Service hrang hrangah Mizo \halai tam zawk an luh theih nan MZP in hma la rawh se tih te leh ILP khauh zawka kalpui anih theih nan hmalak ni rawh se tih te chu Assembly-a ngaihtuah turin an pawm a ni.
Vice President Pu B Vanlaltana kaihhruai Federal Council \hutkhawmah hian President Pu L Ramdinliana Renthlei chuan, MZP chuan kuang lo a nei lova, hnam tan leh zirlaite tana \ha turah chuan theihtawp chhuahin a kal zel \hin a ni ti a, Mizoram leh Assam ramri chungchangah theihtawp chhuahin hma an la chhunzawm zel dawn tih a sawi a, Zophai hmuna Mosolman Biakin sak mek pawh \hiah a nih leh nih loh an enzui reng dawn a, an sa chhunzawm zel a nih chuan MZP chu Zofate Chawlhbuk sa ve nghal turin a inbuatsaih reng dawn a ni a ti. Pu L Ramdinliana Renthlei chuan Zo hnahthlak zingah \awng a danglam avanga unau ni ta lo anga ngaih ching an awm nia sawiin \ha lo a tih thu a sawi a, \awng a danglam avangin Zohnahthlak an ni ta lo a ni lo a, \awng a danglam avangin inen hrang tur an ni lo tih a sawi.
