Mizoram state pawn lama zirlai, ICSE leh ISE Exam la zo lo, Covid-19 hri leng vanga Mizorama lo hawte chu Mizoram sorkar ngenna angin Mizoram chhunga an exam chhunzawm Council of the School Certificate Examinations (CISCE)-in a phalsak.

0
46
views

CISCE hian ICSE leh ISE Examination la zawh fel loh Paper thenkhat chu July ni 1-14, 2020 chhunga chhunzawm anih tur thu a puang a. ICSE leh ISE exam hmabak la nei zirlai engemawzat, Mizorama lo hawte tan hian School Education Minister Pu Lalchhandama Ralte chuan Human Resource Development Minister hnenah Mizoram chhunga Exam chhunzawm phalsak tura dilin, MBSE pawhin a lo puih theih tur thu a hrilh a, CISCE hotute hian an remtih thu nimin khan an rawn hriattir a ni.