Mizoram State Water Policy, 2019 chu vawiin khan Irrigation and Water Resource Minister, Pu C. Lalrinsanga’n a tlangzarh.

0
339
views

Hemi puala inkhawm New Capital Complex-a Irrigation and Water Resource Department Office, Committee Room-a neihah hian Minister chuan, kum 2012-a National Water Policy hman \an a nih hnuah Mizoramin ama puala Water Policy a nei ta chu hmasawnna ropui tak a ni, a ti a. Tun dinhmunah hian Mizoramah duh tawka hman tur tui awm rih avangin Water Policy hlutna chu mipuiten an hre lo a ni maithei a, tui hna siamtu ramngaw leh thing leh mau humhalh nachang an hriat loh chuan tuna tuihna awm sa chu nakin lawkah a kang mai theih avangin \hangthar lo la awm zel turte tan humhalh nachang hriat a \ul a, an tan rotling hnutchhiah tura \anlak a \ul a ni, a ti. Pu C. Lalrinsanga chuan, Mizoram lo neih dan kalphung, tlangram lo neih chuan leiin tui a hip theihna a ti tlem nia sawiin, lei hnuaia tui lut a tlem chuan tuihna a tlem lo thei lo a, hemi vang hian Mizorama lui leh kawr tui chu kumtin a kam phah tial tialna nia a lan thu sawiin, ram chhung hmun \henkhatah chuan tui inchuhna avangin harsatna a thleng \hin a, hetiang harsatna hi Mizoramin a tawh ve loh nan tun a\anga lo inpuahchah lawk a \ul tih a sawi.

Tui renchem tura inzirtirnaah ruahtui khawl a, \angkai zawka hman turin Department chuan \an a lak mek thu sawiin, Pu C. Lalrinsanga chuan, PHE-in tui a sem pawh ni tin khawsak phung mamawh atana tih a nih laiin motor silna leh thil dang atana hmang \hin an tam avangin he Policy hmang hian tui renchem tura inzirtir nasat a \ul dawn hle a. Media-te pawh chanchibu leh TV kaltlanga mipui zirtir kawngah nasa zawka \anla turin a ngen a ni.

Mizoram State Water Policy, 2019 hi India leh German sorkar thawh hona hnuaia German company pakhat GIZ mithiamte kaihhruainaa New Delhi-a IORA Ecological Solutions Pvt. Ltd.-in an duan a ni a. Hemi atan hian Mizoram sorkar pawhin Chief Secretary kaihhruaina hnuaiah Task Force a din a, he Task Force kaltlang hian Department hrang hrang – I&WRD, PHE, Forests, P&E, Soil, Agriculture, Horticulture leh Fisheries Deparment-te pawhin an sawi ho a ni. Mizoram State Water Policy, 2019 tlangzarhna inkhawm hi I&WRD Secretary, Pu Thlamuana’n a kaihruai a, he policy duangtu German Company GIZ Regional Coordinator, Dr. Kenneth M. Pala, New Delhi-a IORA Ecological Solutions Pvt. Ltd. Vice President, Dr. Sumana Bhattacharya leh Finance Secretary, Pu Valal Chhuanga ten thu an sawi bawk.