Mizoram Tipper Owner’s Association leh Drivers Association ten hnam dang Tipper, dan diklova Mizorama Register nia an hriatte an la dang chhunzawm zel

0
245
views

Mizoram Tipper Owner’s Association leh Drivers Association ten hnam dang Tipper, dan diklova Mizorama Register nia an hriatte chu Zirtawp zan a\ang khan Kolasib Tui\havenga an Office bulah an la dang chhunzawm zel a, Forum for Protection of Non Mizos invuahten Lailapur-a bungraw phur motor Inrinnia an dan erawh chu Inrinni tlai lam khan Cachar District Bawrhsap thupek angin tihtawp a ni. Kolasib-a kan Reporter hnen a\anga thudawn danin Tipper Owners Association hruaitute chuan Kolasib DTO Office-a hnamdang Tipper Register hi 21 vel niin an sawi a, a zat dik tak hre turin RTI hmangin an zawtfiah mek niin an sawi a ni.

Hetihlai hian Kolasib Bawrhsap, Dr. Arun T. chuan he buaina thleng chingfel tur hian naktuk, thawhlehniah Vairengte SDO Civil Office-ah Cachar Bawrhsap, SP leh mi pawimawh dangte nen meeting an nei dawn niin a sawi a, an meeting thu chhuak nghak a, buaina lam hawi thil engmah tilo turin Mizoram Tipper Owner’s Association leh Driver’s Association te bakah tlawmngai pawl hruaitute a ngen a, he mi rual hian he meeting neih huna a thil sawi tur leh an ngaihpawimawh turte a hnena thehlut turin a ngen nghal a ni. Kolsasib-a ZONET Corr. sawi dawnin Bagha leh Lailapur vela balu leh brick-a sumdawngte hian Mizote hnenah Bagha balu cubic meter 1-ah Rs. 800/- zela inpe turin rate an siam a, heti chung hian Mizovin an lak chuan meter 1-ah Rs. 1,000/- an phut a, brick pawh hnamdangin an phurh chuan man tlawm zawkin an pe a, Mizo driver ten an lak erawh chuan man to zawkin an pe a, hetianga thil an tih lai hian Aizawl leh Mizoram chhung hmun dangah hnamdang tipper te chuan Mizoram mite phurh dan aia man tlawm zawkin Aizawl leh Mizoram chhung hmun dangah Bagha balu leh brick an pe thei si a, hetianga thiltih hi sumdawnna kawnga innek chepna leh inrahbeh tumna anga ngaiin, Tipper Owner’s Association leh Driver te chuan intluktlanna siam \ul an tih thu an sawi a, naktuka Kolasib Bawrhsap leh Silchar Bawrhsap inbiaknaah pawh he thil hi sawiho tur zinga thil pawimawh niin an sawi a ni.