Mizoram tlawha lo zin Kolkata-a German Consul General, Dr. Michael Feiner-a’n vawiin khan Aizawl Press Club tlawhin, an hnathawh dan a en

0
479
views

Mizoram tlawha lo zin Kolkata-a German Consul General, Dr. Michael Feiner-a’n vawiin khan Aizawl Press Club tlawhin, an hnathawh dan a en a. Thuthar lakhawmtu \henkhat nen an inkawmnaah Dr. Michael Feiner chuan, Mizoram HIV/AIDS hluar zel tur ven kawngah German Sorkar \anpuinaa hmalak theih a nih leh nih loh chu India leh German Sorkar-in thawh dunna thuthlung an neih mekah telh theih a nih leh nih loh enfiah a \ul tur thu a sawi a. Mizoram leh hmarchhak biala Press mite tana Training changtlung zawk an buatsaih theih leh theih loh zawhna chhangin Dr. Michael Feiner chuan, hei hi a tihhlawhtlin theih ni lo mah se, chanchin thar thehdarh kawnga hmasawnna tur \angkai a nih avangin thuneitute a biak rawn ngal tur thu pawh a sawi a ni. German Consul General hi MJA President, Pu Zonunsanga Khiangte leh a thawpui hruaitu dangte leh MJA member \henkhatin an lo dawng sawng a, MJA Library a dah turin Facts About Germany tih lehkhabu pakhat chu MJA President, Pu Zonunsanga Khiangte hnenah a hlan a ni. German Consul General, Dr. Michael Feiner hian vawiin vek khan Aizawl Ramthar Venga Bishop House te, Aizawl Civil Hospital leh Mualpuia Rajuv Gandhi Stadium a tlawh a, Mizoram Football Association hruaitute a kawm bawk. Dr. Michael Feiner hian Magnetic Mizoram – Investor Summit, 2018-a tel turin nimin khan Aizawl a lo thleng a, inrinni hian Kolkata panin a haw leh nghal ang.