Lawngtlai District Land Owners Association ten Kaladan Multi Modal kawngpui siam hnathawh mek compensation pek thuai phut vanga tun thla ni 1 a\anga an dan chu vawiin a\ang khan an titawp. Hemi hmalam hian Lawngtlai District Land Owners Association te hi an kawngpui dan leh kawng siamtu Contractor 2, ARSS leh RDS te hnathawk lo tura an tih chu Lawngtlai Bawrhsap, Central YLA leh Lai Autonomous District Council CEM, Pu T. Zakunga te chuan sut tawh turin an ngen a, hemi rual hian compensation an hmuh theih nan theihtawpa beihpui an tum thu an hrilh bawk a, hemi avang hian Lawngtlai District Land Owners Association chuan kawngpui danpin chu an titawp ta a, amaherawhchu, an thilphut chhanna kum May ni 20 thleng ngaihchan zui an tum thu leh hemi hnua thu lawmawm hriat tur a awm loh chuan an thilphut nawr zui dan tur ngaihtuah leh ni se tiin thu an dah a ni. Vawiina Lawngtlai District Land Owners Association Executive Emergency Meeting neih hi an Pawl President Pu H. Remmawia’n a kaihruai a ni.
