Mizoram Underground Returnees’ Association leh sorkar an la inbe lo

0
234
views

Kum 2008 leh 2013-a Congress Party nena inremna an siam tih hlawhtlin ngiata chaw nghei mek Mizoram Underground Returnees’ Association leh sorkar an la inbe lo.
Nimin a\anga chawnghei \an, MURA member 15 te hi kum 60 chin chunglam deuh vek an ni a, an zinga \henkhat chu kum 70 chuang te an ni. Aizawl Tuikual South-a an pawl general Headquarters Pisa-ah an President, Pu PC Lal\huama hovin chaw an nghei a ni.

MURA leh MPCC hian kum 2008 inthlan dawn khan inremna thuthlung ziakin MPCC in thuneihna a chang a nih chuan MURA member-te \anpuina leh duhsakna atan Special Scheme siam ni se an tih bakah MURA member-te ham\hatna tur point 5 an ziak a, hetah hian MURA aiawhin general Secretary, Pu H. Lalnuntluanga leh MPCC aiawhin General Secretary, Pu C. Chawngkunga’n hming an ziak a. Khatih laia Union Minister, BK. Handique leh All India Congress Commitee Secretary, Maj. Prakash chu a hriatpuituah an \ang bawk a. Hetiang bawk hian kum 2013 inthlan dawn khan thawh hona thuthlung ziak lehin, hetah hian MURA, member-te ham\hatna tur point 10 tarlan a ni thung a. He thawh hona thuthlungah hian khatih laia MURA Vice President, Pu PC Lal\huam leh MPCC general Secretary, Pu R. Liantluanga’n hming an ziak a ni.

MURA President Pu PC Lal\huama chuan an thil phut hrang hrangte tihhlawhtlin a nih hma loh chu thih thlenga chaw hi nghei chhunzawm an tum tih vawiina a hmuna tlawhtu Zonet palai an hrilh a. An thil phut zingah hian MPCC nen thawh hona thuthlung an lo siam tawh angin an member inhmun neite hnenah insak \anpuina cheng nuai 20 \heuh Sorkar-in pe tur te, MURA member leh an tu leh fate tan 4th Gadre a\anga LDC thleng Post 200 pe tur te, chawp leh chilha an intuamhlawmna tur ngaihtuah sak nghal tur leh Mizoram hmun hrang hranga MURA member-te hnenah a rang lama NLUP pe turin Sorkar an phut tih an sawi a ni.