ZPM Chief Minister Candidate Pu Lalduhoma’n ZPM a sorkar chuan Six Basic Needs chu an ngaihpawimawh hmasak ber a ni dawn tih a sawi

0
288
views

ZPM Chief Minister Candidate Pu Lalduhoma’n ZPM a sorkar chuan Six Basic Needs chu an ngaihpawimawh hmasak ber a ni dawn tih a sawi.

Tukina Lawngtlaia thuthar thehdarhtute a kawmnaah Pu Lalduhoma chuan tunhma lama PC sorkar laia Chief Minister Brig. T. Sailo ngaihpawimawh \hin, Mizoram mamawh bulpui chi 6-te chu Ei leh bara intodelh, khua zawng zawng tui thianghlim in tur pek, kawlphetha tam tawk siamchhuah, khaw hrang hrang inkalpawhna kawng leh rel kawng siam, mihringte mawmawh inpekna tur Transport system \ha tawk leh thingtlang khaw tih hmasawn te an ni a, hengte hi an ngaih pawimawh hmasak ber tur a ni dawn tih a sawi a, Finance Commission-15-ah a hranpa a District Council leh Village council sum hman tur dil a ni ang a, Thingtlang loneih bansan ngawt theih a nih loh avangin loh theih loha lo neite chu sorkarin a enzui anga, an thlai thar leh buh tharte phurhna tur kawng laihsak te an ngai pawimawh dawn niin a sawi.

Pu Lalduhoma chuan \halai ten an mahnia eizawnna nghet an neih theih nan Bank Loan pek chhuah a, enkawl zui zel an ni ang a ti a, Loan an lak theihna turin sorkar chu Guarantor-ah a \ang dawn a ni a ti a, kum 5 chhunga kawlphetha-a intodelh nan Kolodyne lui khuahte, nizung chakna hmanga kawlphetha siam chhuahte chu an ngaih pawimawh tur niin a sawi. Zawhna chhangin Pu Lalduhoma chuan Lawngtlai District-a Chambur Project chu Ei leh Bara lama intodelh theih nan ngawrh zawka chhunzawm a ni dawn niin a sawi bawk.

Kaladan Multi Modal Kawngpui sial mek chungchanga zawhna pawh chhangin Pu Lalduhoma chuan uchuak taka compensation phuttu an pung hluai chu a tir a\anga Sawrkar in thil a tihfel tawk loh vang niin a sawia, hnathawktu Contractor ten chhuanlam hrang hrang siama an zawh hun tura an zo lo chu pawi a tih thu sawiin, sorkar siam theia an awm chuan Contractor thlak a ngaih pawhin an thlak mai dawn niin a sawi. He mi hma lam, tukin khan Lawngtlai Bazara Aeropagi-ah vantlang inkhawm buatsaih a ni a, hetah hian Pu Lalduhoma bakah MPC President, Pu Lalhmangaiha Sailo ten thu an sawi a, kumina Mizoram Assembly inthlanna neih hunah ZPM chuan sawrkar a siam ngei dawn niin an sawi.