Mizoram University-in tun hnai khan Master Degree course Result a tichhuak a, zaa 88.59-in an Pass. MZU-ah hian Department 26-ah Master Degree zirna a awm a, heng Department hrang hrangah hian kumin khan 4th. semester bikah exam beitu, zirlai 745 zinga zirlai 660 chu an pass a. Department pasarih – Psychology, Public Administration, Horticulture Aromatic & Medicinal Plants (HAMP), Geography & Resource Management, Forestry, Botany leh Commerce-ah zirlai exam zawng zawng an pass kim vek a ni. English Dept.-ah chuan zirlai exam 29 zinga 22 an pass a, Mizo Deptt.-ah zirlai exam 54 zinga 50, Hindi-ah Exam 5 zinga 4, Journalism & Mass Communication-ah zirlai exam 19 zinga 13, Education Department-ah zirlai exam 30 zinga 29 an pass a. Sociology-ah zirlai 25 zinga 23, Political Science-ah zirlai 40 zinga 39, History & Ethnography-ah zirlai 33 zinga 30, Management Deptt.-ah zirlai 28 zinga 27, Social Works-ah zirlai 24zinga 19, Economics-ah zirlai 38 zinga 32, Library & Information Science-ah zirlai 20 zinga 18, Environmental Science-ah zirlai 24 zinga 23, Chemistry-ah zirlai 33 zinga 27, Physics-ah zirlai 27 zinga 12, Zoology-ah zirlai 28 zinga 19, Geology-ah zirlai 29 zinga 27, Biotechnology-ah zirlai 24 zinga 17 leh Mathematics & Computer Sc-ah zirlai exam 29 zinga 23 an pass bawk a ni.
