Model Village atana a thlan, Dapchhuah leh Kanghmun khuate chu Tobacco Free Village-a siam tum a ni

0
577
views

Mamit District-a khaw pahnih, Transport Minister, Pu John Rotluangliana’n khaw entawntlak, Model Village atana a thlan, Dapchhuah leh Pu Lalrinmawia Ralte MLA-in Model Village atana a thlan, Kanghmun khuate chu vaihhlo a\anga thil siam hman lohna khua atana siam tuma \an lak mek a ni. Mizoram State Tobacco Control Society thuchhuah tarlan danin, heng khaw pahnih, vaihhlo a\anga thil siam chi hrang hrang hman lohna khuaa siamna tur hian Dist. Bawrhsap, Pi Lalbiaksangi, District Anti-Tobacco Squad Chairman ni bawk kaihhruaiin mipuite zirtir an ni a, an mamawh sumte pawh sorkar a\anga pek chhuah a ni tawh a ni. Vaihhlo a\anga thil siam hman lohna, Tobacco Free Village-a siam tum khaw pahnih, Dapchhuah leh Kanghmunah te hian Cigarettes and Other Tobacco Products Act, 2003 tlawh chhanin vantlang hmuna mei zuk te, kum tling lo hnena zuk leh hmuam tur thil hralhte, zirna in a\anga feet 300 aia hnaia sikret leh vaihhlo a\anga thil siam dangte zawrh leh fakna tar te khap a ni dawn a, mipuiten meizuk \hat lohzia leh vaihhlo a\anga thil siam dang hman \hat lohzia an hriat theih nan heng khuaa Anti-Tobacco Committee dinin, \an an la dawn a ni. Tuna vaihhlo a\anga thil siam hman lohna khua Mizorama awm chhun chu Tlangnuam khua a ni a, Serchhip Disrict-a Khawlailung leh Buangpui, Kolasib District-a Thingdawl leh Champhai District-a Ruantlang te chu vaihhlo a\anga thil siam hman lohna khua an nih theih nan ngawrh taka inzirtir mek niin Mizoram State Tobacco Control Society chuan a sawi a ni.