Mizoram Youth Commission buatsaihin vawiin khan Champhai Kahrawt Veng Community Hall-ah Youth Summit leh Road Show, 2018 neih a ni. He Summit-a khuallian Champhai North bialtu MLA Pu TT Zothansanga chuan zirlaite leh \halaite chu zirna leh thiamna ngai pawimawh tura fuihin mi hausa leh thil ti theite chu zirna leh khawtlang tihhmasawnna atana luangchhuak turin a ngen a, khawvel hmasawnna sang chho zel mila nun chhoh a \ul laiin Social media hman chungchangah chintawk nei turin \halaite chu a fuih bawk a ni. He Summit-a thusawitu dang MYC Chairman, Pu Joseph Lalhimpuia, MLA chuan \halaite tan khawvel thar siam turin sorkarin hmachhawp hrang hrang a nei niin a sawi a, Mizo \halaite chu zirna lamah leh thiamna tak tak paw chhuak tura tun aia nasa zawka \an lak a \ul thu te All India Level Exam-na chi hrang hranga tel ve tura inbuatsaih a \ul thu te leh tunlaia sumdawnna lam leh hmasawnna chi hrang hrang lo thleng kara ram chhan theia inchherchhuah a \ul thu a sawi a ni. MYC Summit leh Road Show hawnna inkhawm hi Champhai Bawrhsap, Pu Vanlalngaihsaka’n a kaihruai a ni. He MYC Summit leh Road Show-ah hian Stall hrang hrang 17 hawn a ni a, heng Stall a\ang hian thil hriat duh neite mamawh pek a ni.
