MPCC President, Pu Lal Thanhawla’n hlauh tura an sawi chu Buddist BJP ni lovin Hindu BJP a ni tih vawiin khan Congress Bhavan inkhawmah a sawi

0
462
views

MPCC President, Pu Lal Thanhawla’n hlauh tura an sawi chu Buddist BJP ni lovin Hindu BJP a ni tih vawiin khan Congress Bhavan inkhawmah a sawi.

Hindu BJP leh Buddist BJP chu ang khata khaikhin chi an ni lo tih sawiin, an hlauh ber chu Kristian-te nuai chimih vek tumtu Hindu BJP an nih thu leh helaia Buddist BJP tlemte lo awm ve chu ngaihpawimawh tham pawh an nih loh thu a sawi. Chief Minister ni bawk, Pu Lal Thanhawla chuan, Chakma Autonomous District Council-ah BJP leh MNF \angdunin Sorkar an siam tur thu an puan hnu lawka Congress leh BJP in Sorkar an siam leh tak zawk nachhan chu BJP MDC ten MNF aia Congress thawhpui an duh zawk vang nia sawiin, an mahni zawkin an hotute awm laiin Congress MDC te nena thawh ho an duh zawk thu an sawi a, Politics thilah lo hnar ngawt theih a nih loh avangin an thawk ho ta niin a sawi. Pu Lal Thanhawla chuan, BJP in India ram zawng zawnga thuneihna chan tuma \an an lak mek thu leh State \henkhatah phei chuan BJP MLA 3/4 vel lek an awm chungin MLA-te sum hmanga leiin Sorkar an siam thei tho niin a sawi a. Tunah hian Mizoram chiah hmabak a awm tawh a, chuti chung chuan BJP chu Kristian-te tihchimih tum vektu an nih avangin an ni chuan an tawhpui ve theih loh tur thu leh cheng vaibelchhe eng zata pawhin thlem ve mah se, lei theih an ni ve dawn lo niin a sawi. Congress Legislature Party Treasurer, Pu Zodintluanga pawhin, Chakma Autonomous District Council-a Congress leh BJP MDC-ten thawh ho an duhna chhan chu kumin kumtawpa Assembly inthlanpui neih turah Pu Lal Thanhawla kaihhruai Congress Party chu a chak leh dawn tih an hmuh lawk vang niin a sawi a. Autonomous District Council-te hian an Budget leh mamawh dangte State Sorkar a\anga an dawng \hin avangin BJP MDC-te chuan MNF nen thawh hova kum 5 dang Opposition Sorkar siam an duh lo niin a sawi bawk. He inkhawm hi MPCC general Secretary, Pu C. Lalpianthanga’n a kaihruai a a ni.