Mizoram Youth Commission Chairman, Pu Joseph Lalhimpuia’n Mizoram Youth Commission leh Alternative Learning System New Delhi ten IAS Online Coaching leh IIT-JEE/NEET Online Coaching Mizo zirlaite an pek turah Alternative Learning System New Delhi chuan zirlai 200 hnenah Scholarship a pe dawn niin a sawi. Pu Joseph Lalhimpuia chuan Mizoram Youth Commission leh New Delhi-a Alternative Learning System te hian Mizoram \halai lehkha thiam mi 180 tan IAS Online Coaching leh HSSLC Science zirlai mi 400, IIT, JEE/NEET a zir duhte tan Online Coaching an buatsaih dawn niin a sawi a, heta tan hian May ni 31 khan Aizawlah inremna thuthlung an siam tawh tih sawiin he thuthlungah hian MYC Chairman, Pu Joseph Lalhimpuia leh Alternative Learning System Satellite Education Pvt., National Sales Head, Pu Prateek Bhattacharya ten an hming an ziak a, he inremna thuthlung ang hian UPSC hnuaia Civil Service Examination-na bei tur leh Engineer & Medical Entrance Test examna bei tur Mizoram \halai leh zirlaite tan \angkai taka chhawr theih tur niin a sawi a ni. MYC Online Coaching-a kalte zinga mi 200 hnenah Alternative Learning System -in Scholarship a pek dan tur chungchang sawifiah tur, Pu Prateek chuan Alternative Learning System inremna thuthlung an ngaih pawimawh zia tihlan nan Corporate Social Responsibility (CSR) a\angin Coaching-a kal mi 200 Scholarship an pe dawn niin a sawi a, heta tan hian Rs. 33,04,000/- an ruahman tih sawiin heng zinga Rs 24.78,000/- chu Civil Service-a luh tum top 100 tan a nih thu leh a bak Rs 8.26,000/- chu Engineer leh Doctor nih tum IIT-JEE/NEET Coaching-a kal turte tan a ni tih a sawi a, he scholarship hi a sum faia pe lovin an Coaching fee chawi tur pek nan hman a ni dawn niin a sawi bawk a ni.
