State Convention Centre sakna tur lei laihin a tih chhiat, Bible House sorkar sum hmanga a thara sak that lehna tur lung chu vawiin khan Chief Minister, Pu Lal Thanhawla’n a phum

0
257
views

State Convention Centre sakna tur lei laihin a tih chhiat, Bible House sorkar sum hmanga a thara sak \hat lehna tur lung chu vawiin khan Chief Minister, Pu Lal Thanhawla’n a phum.

Hemi puala inkhawm tawi, Bible House thar sakna tur, tun hmaa GAD Quarter awm \hinna, Upper Khatla-a neiah Chief Minister chuan thu sawiin, Convention Centre sakna hmun tur laih avanga Bible House leh Baptist House-in harsatna tam tak an tawk chu Sorkar-in pawi an ti hle tih a sawi a. Bible House thar sak a nih theih nana Home Minister, Finance Minister, UD&PA Minister leh Revenue Minister hmalakna chu chhuanawm a tih thu a sawi. He inkhawm hi Bible Society of India, Aizawl Auxiliary Chairman, Rev. Dr. H. Vanlalauva’n a kaihruai a, Bible Society of India-a general Secretary, Rev. Dr. M. Mani Chacko-a’n Bible House thar sak tur chu Pathian hnenah \awng\aiin a hlan a ni.
Bible House sakna lungphum inkhawmah hian Home Minister, Pu R. Lalzirliana, UD&PA Minister, Pu Zodintluanga bakah Mizoram leh India ram hmun hrang hrang a\angin Bible Society of India hotute an tel a, he inkhawmah hian BSI Trust Association member, Rev. C. Rosiama pawhin thu a sawi bawk.

Puan tawh \hin angin, Upper Khatla-a Bible House thlanga Circuit House awmna \hinah Mizoram Sorkar-in State Convention Centre sakna tur a laih vangin kum 2016 December ni 6 a\ang khan Bible House dinna te, a kawta footpath leh MG Road kawngpuite a khi \an a. Lei khi hi endik a nih hnuah a thlang lama lei laih mek chu chawlhsan rih tura tih a ni a. Lei hi a khîk belh zel avangin nikum January ni 14 khan UD&PA Minister leh Sorkar mipawimawh dangten an enfiah hnuah Bible House-a bungraw rit zualpui chu thiar chhuak turin an ti a. Hemi hnu January ni 16-ah Aizawl Bawrhsap-in thupek chhuahin Bible House chu a rang thei ang bera tih ruah turin a ti a, lei khî hi a zual zel avangin Aizawl District Disaster Management Authority chuan nikum January 27 tlai lamah khan hriattirna tichhuakin Bible House leh a thlanga sorkar quarter pakhat chu \hiah tur a nih thu leh hemi atan hian PWD leh GAD chu a rang lama hma la nghal turin a ti a ni. Bible House dinna hi a khik belh zel avangin April ni 3 zing lamah khan a bula Baptist House thlang lei chu a min ve leh a, hei hi he Building tan hian a hlauhtawm theia ngaih a nih avangin Baptist House chu tiruak nghal turin sorkar-in a ti ve leh a, hemi ni vek hian bungrua thiar chhuah nghal a ni. State Convention Centre sakna tur laih a nih avanga Bible House leh Baptist House \henkhat \hiah a nih chungchangah hian Chief Minister, Pu Lal Thanhawla chuan, nikum March thlaa Assembly \hutkhawmnaah Bible House hi hmun danga sa turin sorkarin ruahmanna a siam thu a lo hrilh tawh angin, tun hmaa Bible House dinna bul, BSNL Pisa hnung lama GAD Quarter \hin chu Bible House sakna atan pek a ni a, a sakna tur pawh cheng vbch 4 leh nuai 7 Sorkar-in a pe a. Bible Househi chhawng 8-a sanga sak tur niin, Office Room hrang hrang bakah Committee Room, Retail Outlet, Warehouse, Packing Room, Archive Room leh Staff Quarter bakah mi 310 len theihna Auditorium the, Choir Room leh lirthei dahna hmunte siam a ni dawn a ni.