Kolasib Distrct-a hri enkawl lai awmchhun 1 chu a samle endiknaah hri laka a fihlim tawh avangin naktukah damdawi in atangin a chhuak thei dawn a. A ni bakah hian Lunglei Pukpui Covid Care Centre-a BSF sipai hri kai enkawl lai 12 zinga 9 chu nimina an sample endiknaah hri lakah an fihlim tih finfiah a ni bawk. Hetihlai hian ZMC-a hri kai enkawl mek 46 zinga harsatna nei lo leh an dinhmun endiknaa result tha mi 22 chu vawiin khan Tanhril Tribal Art Centre-a Covid Care Centre,-ah sawn an ni a. Thawhtanni khan ZMC-a hri kai enkawl lai zinga natna lanchhuah dan nei lo leh an hriselna dinhmun enfiahnaa Result tha mi 24 chu Berawtlang-a Covid Care Centre-ah sawn an lo ni tawh bawk.
Mizorama hri kai hmuh tamna ber Aizawl District-ah hri kai 109 zinga 39 chu enkawl dam an ni tawh, enkawl mek 70 an awm a. Lunglei District-a hri kai hmuh tawh chu 63 an tling tawh a, an zinga 47 dam tawhin, enkawl mek mi 17 an awm a, an zinga 9 chu dam mai tura ngaih an ni. Lawngtlai-a hri kai 21 hmuh tawh zinga 8 dam tawhin, mi 13 enkawl mek an ni. Mamit District-a hri kai 21 zinga 20 dam tawhin enkawl lai 1 a awm a. Siaha-ahri kai hmuh tawh 23 zinga 17 an dam tawh a, enkawl lai 6 an awm a. Champhai-a hri kai 10 zinga 9 enkawl dam an ni tawh a, mi pakhat enkawl mek a ni a. Nimin khan Serchhip-ah hri kai 2 hmuh belh an nih avangin enkawl lai 4 an awm a. Serchhip District-ah hian hri kai 7 hmuh tawh zinga 3 an dam tawh a ni. Kolasib District-a hri kai enkawl lai 1 chu a dam tawh avangin naktukah damdawi in atanga chhuah tir a ni dawn a, Kolasib-ah hian hri kai 12 an awm tawh a. Saitual leh Khawzawl District-a hri kai 3 ve ve hmuh tawh chu an dam vek tawh avangin damdawi in atanga chhuah tir an ni tawh a. Hnahthial District chu hri kai awm lohna District a ni chhunzawm zel a ni.
Vawiin khan ZMC Covid-19 Laboratory-ah ZMC, Aizawl, Siaha leh Champhai District atanga sample dawn 160 vel endik a ni a, zaninah result hriah theih beisei a ni. Tun dinhmunah ZMC-ah hri kai 24 enkawl mek an ni a, ICU-a awm damlo 3-ten hma an sawn zel a, Isolation Ward-a awmte zingah pawh harsatna em em nei an awm lo a, vawiin khan ZMC-ah rinhleh 4 dah luh an ni.
