Mizorama DGP hmasa ber, Pu M Tumsanga chu Model venga an chenna inah kum 77 mi niin a boral

0
431
views

Mizorama Director General of Police (DGP) hmasa ber, Pu M Tumsanga chu nimin chawhma dar 10:30 khan Model venga an chenna inah a boral a, kum 77 mi a ni. Pu M Tumsanga hi thluaka thisen zam chat, stroke avanga boral a ni a, a nupui, Pi Suzanne Zothansangi, Fapa 2, fanu 1 leh a tute a kalsan a ni. Pu Ralherha leh Pi T^wktlemi fa 11 zinga 5-na, Pu M Tumsanga hi kum 1940 khan Thingsai-ah a lo piang a, kum 1960-ah Lunglei Govt. High School a\anga Matric a pass hnuah Barapani-a Union Christian College a\angin \ha takin BA a pass leh a, hemi hnu hian High School Zirtirtu hna leh Shillong-a Accountant General Office-ah te thawk lehin kum 1969 khan Indian Police Service-ah a tling a, West Bengal Cadre pek a ni. A hna thawh chhung hian CBI-ah pawh SP a ni tawh a, Mizoram buaina avanga MNF President, Pu Laldenga man a nih khan a thubuai buaipuitu leh chhuah a nih theihna atana nasa taka \an latu a ni. West Bengal sorkara dinhmun pawimawh tak a chelh lai, kum 1999 khan Mizoram sorkar chuan DGP hna chelh turin a la lut a, hemi kum, October ni 12 khan DGP hna a zawm a, he hna hi kum 5 chhung a chelh hnuah kum 2004 khan pension-in a chhuak ta a ni. A pension hnu hian MNF Party a zawm a, kum 2010 khan Adviser-ah dah a ni. Pu M Tumsanga hi vawiin chhun dar 12 khan Model venga an chenna inah Mizoram Baptist Kohhran Pastor C. Chhuntluanga’n thlamuanna thuchah sawiin a vui a, mi tam takin an thlah liam a ni.