MNF-in an puhna dik lohzia chu nakkuma Assembly inthlanah a lang dawn: Pu Lal Thanhawla

0
296
views

CM, Pu Lal Thanhawla’n MNF-in an puhna dik lohzia chu nakkuma Assembly inthlanah a lang dawn niin vawiina Congress Bhavan-a an party political session-ah a sawi a, MNF hian BJP zawm hming pu lo mah se, an thawhpui a ni tih a chiang hle nia sawiin, Mizoram-ah BJP peng an awm tawh si avangin Gauhati lamah NEDA an zuk zawm ta niin a sawi. MNF-in Contractor-te nena sam inphiar zawma an puhna chu chhangin CM chuan, an ring tak tak a nih chuan tualchhung Court-ah emaw, High Court-ah emaw thubuai an thehl<t mai tur niin a sawi a, a kaihhruai sorkarin hmasawnna hna a thawk tam nia sawiin, an hmachhawpte chu thuneihna an chan loh chuan a chhe dawn nia a sawi b^kah, heng hmachhawpte hi kum nga an sorkar leh chuan an zo
hman dawn niin a sawi. Pu Lal Thanhawla chuan thiam inti leh hria inti, sorkar sit ngawih ngawihte an lo ding chhuak nia sawiin, PRISM pawhin candidate chhawp chhuak ve ngam tak tak se a duh thu a sawi bawk.

PWD Minister, Pu Lal Thanzara pawhin thil chinchang inti hre si, hre ziktluak si loten social media-a theh darh an ching nia sawiin, Mizoram kawngte hi Road Transport Ministry, Border Roads, National Highway leh Mizoram PWD-in enkawl bik an neih \heuh avangin bill pek leh tender chhhuah chungchangah pawh Mizoram PWD thuneihna pawn lam tam tak a awm niin a sawi a, \hal hun chhung rei lo teah kawng chhiate hi theihtawpa siam \hat tum a nih thu sawiin, pawisa awm sa-in a daih loh pawhin a baa kal dan leh hmun dang a\anga pawisa dil te thlengin sorkarin a ngaihtuah dawn niin a sawi. He inkhawm hi Lt.Col. ZS Zuala MLA-in a kaihruai a ni.