Mizorama eptu party pathum BJP, ZPM leh PRISM ten kumin March ni 24-a BJP Office-a Joint Meeting neia Mizoram sorkarin NLUP sum a hman dan dik lo nia an hriat chu Central sorkarah thlen a ni

0
214
views

Mizorama eptu party pathum BJP, ZPM leh PRISM ten kumin March ni 24-a BJP Office-a Joint Meeting neia Mizoram sorkarin NLUP sum a hman dan dik lo nia an hriat chu Central sorkarah thlen a ni. He meeting-in sorkar laipuia thlen tura a ruat Mizoram Pradesh BJP President, Prof. JV Hluna chuan New Delhi-a kalin Party pathumte joint memorandum chu puan khan sorkar laipui hruaitute hnenah a thlen a, hetah hian Mizoram sorkarin Congress MLA 34 te chu an bial \heuhah NLUP \anpuina dawng tur mi 400 \heuh thlang tura hriattirna lehkha pea opposition party MLA te an pe ve lo chu sorkar sum hman dik lohna lian tak leh sorkar kalphung tur ni lova an hriat thu an lehkhaah chuan an tarlang a ni. Puan tawh angin BJP huaihawta opposition party pathum hruaitute inhmukhawm hian thuchhuah in\awm siamin Mizorama Congress sorkar chu mipuite dikna leh chanvo rap beta sorkar sum vote zawnna atana hmang \hinah an puh a, sorkarin tun hnaia Congress MLA 34-te an bial \heuha NLUP \anpuina dawng tur mi 400 \heuh thlang tura a hriattir leh opposition party MLA 6 te chu pek ve an ni si lo chu hleih nei tak leh uchuak taka thil tih niin an sawi a, President leh Prime Minister hnenah memorandum an lo thehlut tawh a ni.