Sports Minister, Pu Zodintluanga chuan 26-Mini National Volley Ball 2018 Aizawla R. Deng\huama Hall-a tunhnaia neiha Manipur Volleyball team a mi, Sakil Chesam chu misual pakhatin April ni 28, kar kalta Inrinni khan kut a thlak tih sawiin he thil \ha lo thleng hi pawi a tih thu leh vanduaithlak a tih thu thuchhuah siamin a tarlang a, hetianga state dang a\anga lo kal infiammi chunga kutthlak hi Mizoramah a la thleng ngai lo a ni tih sawiin Mizoram mipuiten an lainat takzet a ni tih a sawi a, hetianga misual chetna hi Mizoram sorkar chuan a dem takzet a ni tih leh ngaihdam a dil tih sawiin a \hat chhuah leh thuai a duh thu pawh a sawi a ni. Hetihlai hian Mizoram Police hotute hnen a\anga thudawn danin hemi ni-a final-ah hian Mizoram leh Manipur an in tum a, Manipur an champion-a, an chak lawma an punkhawm laiin a entute zing ami pakhat an zinga lut chuan Manipur player hi a khabe-ah a hnek nia hriat a ni a, Mizoram Volleyball Association chuan Kulikawn Police Station-ah FIR a thehlut a, hei hi bawhzuiin Police te chuan Manipur Player kutthlaktu hi an zawng mek a ni.
