Mizorama Govt. Lumpsum Aided Higher Secondary School pakua ten Adhoc Grant-in-Aid School-a hlankai an ngenna nawr zui nan heng school awmna khua zawng zawngah vawiin atang khan sorkar pisa leh zirna in khar a nih bakah an khaw kaltlang kawngpuite dan a ni.

0
465
views

Heng school awmna khua, vawiina lungawilohna entirtute hi Sakawrdai, Farkawn, Phullen, Thingsulthliah, Zawlnuam, W.Phaileng, E.Lungdar, N.E Khawdungsei leh Zobawk te an ni a, ruahmanna an siam dan chuan sorkar pisa, zirna in leh kawng an dan hun chhung tur hi vawiin a\anga August ni 3 thleng a ni. Vawiina thuchhuah an siamah an pawl Joint Action Committee chuan heng school te hi mamawhna avanga din, kum 14 chhung zet khawtlangin harsa taka an lo enkawl tawh a ni tih sawiin, an phurrit chhawk zang turin sorkarin heng school te hi Adhoc Grant-in-Aid-ah hlangkai se tiin hunrei tak a\angin sorkar an ngen niin an sawi a, vawiin thlenga sorkar a\anga thu lawmawm an dawn loh avangin tukin dar 6 a\ang khan heng khuaah te hian damdawi in tih loh, sorkar pisa zawng zawng leh zirna in bakah an khaw paltlang kawngpui te chu tiam chin awm lovin an dang dawn niin an sawi a ni.