Faina kawnga District hrang hrang inelna, Swachh Survekshan Grameen 2018 chu vawiin khan PHE Minister Pu Zodintluanga’n a pisaah a hawng.

0
320
views

PHE Secretary Pu KT Beicho a kaihhruai hawnna inkhawmah thu sawiin Pu Zodintluanga chuan, rampum huapa khawpui fai ranking-ah Aizawl chu 105-na a ni a, zirchian a nih hnuah inelnaa tehfung an siam danah faina hrim hrim in zaa 30 a put laiin a bak zaa 70 chu mipuite ngaihdan leh Online data reporting-ah te a innghat tih hriat chhuah a ni a, Swachh Survekshan Grameen hmanga faina lama inelna buatsaih turah pawh mipui te aw leh Data dik neih a pawimawh dawn a ni a ti.

State Swachh Survekshan Grameen Mission Director Pu HC Lalnunzira pawhin thu sawiin kum 2012 Baseline Survey Report a tarlan, Mizoram-a ekin neilo leh nei \ha lo chhungkaw 30067 te chu ekin siam sak vek an ni tawh tih a sawi a, Mizoram chu pawna inthiar awm tawh lohna hmuna puan theih tawh a ni a ti. Pu HC Lalnunzira sawi danin, State Swachh Survekshan Grameen hmanga inelna hi kawng 3 a endik tur a ni a, Khawchhung faina, mimal in, School, Anganwadi, Sakhaw hmun leh vantlang hmun te, Mipuite ngaihdan leh online data hmang tea endik a ni ang.